Exxon Mobil-ը ծրագրում է կրճատել շուրջ 2000 աշխատատեղ աշխարհում

Ամերիկյան նավթային հսկա Exxon Mobil Corp.-ը նախատեսում է կրճատել մոտ 2000 աշխատատեղ՝ ամբողջ աշխարհում, գրում է Bloomberg-ը։

Ընկերությունը բացատրել է, որ այս քայլը կապված է փոքր գրասենյակների միավորմամբ՝ դրանք վերածելով տարածաշրջանային կենտրոնների՝ երկարաժամկետ ռեստրուկտուրիզացիայի ծրագրի շրջանակում։ Կրճատումները կազդեն Exxon-ի աշխատակազմի շուրջ երեք-չորս տոկոսի վրա։

Նշվում է, որ վերջին շրջանում նման քայլերի են դիմել նաև ոլորտի այլ խոշոր ընկերություններ՝ Chevron, ConocoPhillips և BP, ինչը պայմանավորված է նավթի գների անկմամբ՝ ՕՊԵԿ-ի կողմից մատակարարումների ավելացման հետևանքով։ Exxon Mobil-ը հույս ունի, որ փոփոխությունները կուժեղացնեն իր մրցակցային դիրքերը։ Ընկերությունը նախկինում հայտարարել էր, որ չի պատրաստվում վերադառնալ ռուսական շուկա։