Վաշինգտոնը կապ է պահպանում Պուտինի հետ Լուկաշենկոյի միջոցով

ԱՄՆ նախագահի հատուկ ներկայացուցիչ Կիտ Կելլոգը Վարշավայի անվտանգության ֆորումում հայտարարել է, որ Վաշինգտոնը հաղորդակցության ուղի է հաստատել Ռուսաստանի նախագահ Վլադիմիր Պուտինի հետ Բելառուսի ղեկավար Ալեքսանդր Լուկաշենկոյի միջոցով։

«Գիտենք, որ Լուկաշենկոն հաճախ է շփվում Պուտինի հետ։ Մենք հաստատել ենք կապեր՝ համոզվելու համար, որ մեր ուղերձը ամբողջությամբ կհասնի Պուտինին», — նշել է Կելլոգը։

Նա հավելել է, որ ներկայիս ԱՄՆ վարչակազմը փորձում է պահպանել հավասարակշռված դիրքորոշում Ուկրաինայի պատերազմում և համարում է, որ նախորդ նախագահ Ջո Բայդենի թիմի սխալներից մեկը եղել է Մոսկվայի հետ երկխոսությունից հրաժարվելը։