Հիմնադիր Չարլի Ջևիսը դատապարտվել է 7 տարվա ազատազրկման՝ JPMorgan-ին խաբելու համար

Նյու Յորքի դաշնային դատարանը դատապարտել է ֆինթեխ-ստարտափ Frank-ի հիմնադիր Չարլի Ջևիսին 7 տարվա և 1 ամսվա ազատազրկման՝ խարդախության համար։ Նա մեղավոր է ճանաչվել 2021-ին JPMorgan Chase բանկին ընկերությունը վաճառելիս տվյալները կեղծելու մեջ։

Frank-ը, որը ստեղծվել էր 2017-ին՝ ուսանողական վարկերի ստացմանը նպաստելու համար, ներկայացվել էր որպես հինգ միլիոն օգտատեր ունեցող հարթակ, սակայն հետաքննությամբ պարզվել է, որ իրականում դրանց թիվը եղել է ընդամենը շուրջ 300 հազար։ Ջևիսն ու ընկերության մի ղեկավար, Օլիվիե Ամարը, օգտագործել էին կեղծ հաշիվներ՝ վաճառքը իրականացնելու համար։

Գործարքից հետո Ջևիսը դարձել էր JPMorgan-ի աշխատակից, սակայն կեղծ տվյալների բացահայտումից հետո ազատվել է աշխատանքից։ Դատարանը նրան նաև պարտավորեցրել է բանկին վերադարձնել 287,5 միլիոն դոլար փոխհատուցման ձևով։