Կատվի պատճառով հոսպիտալացվել է ավելի քան 10 մարդ. ՌԴ

Մագադանի մարզում կատվի հետ շփումից հետո ավելի քան 10 մարդ հիվանդացել է։ Այս մասին իր Telegram ալիքում հայտարարել է տարածաշրջանային առողջապահության նախարարության ղեկավար Ալեքսանդր Վիտկոն։

Նախարարության ղեկավարը նշել է, որ տարածաշրջանում գրանցվել է էնտերովիրուսային վարակի տարածում։ Ներկայումս դրա բռնկումները գտնվում են Օմսուկչանում և Մյաունգջուում։

«Մեկ այլ բռնկում Խասինում է։ Դա կենցաղային միջադեպ էր. երեխաները շոյել են հիվանդ կատվին։ Կարծում եմ՝ պատմության մնացած մասը պարզ է։ Մաշկաբանների մոտ բուժվում է ավելի քան 10 մարդ, այդ թվում՝ շուրջօրյա հոսպիտալացվածները», - գրել է նախարարը։

Օգոստոսին Ռոսպոտրեբնադզորը հայտնել է, որ կատուները կարող են մարդկանց փոխանցել այնպիսի հիվանդություններ, ինչպիսիք են կատաղությունը, օղակաձև որդը և տոքսոպլազմոզը։ Նախարարությունը հավելել է, որ վարակը կարող է փոխանցվել վարակված թքի, մեզի կամ կղանքի հետ շփման, ինչպես նաև խայթոցների և քերծվածքների միջոցով։

Թարգմանությունը՝ Lurer.com-ի