Մոսկվայի դատարանը տուգանել է Apple-ին՝ արգելված բովանդակությունը հեռացնելուց հրաժարվելու համար

Մոսկվայի դատարանը Apple-ին մեղավոր է ճանաչել Ռուսաստանի օրենսդրությունը խախտելու մեջ, ասվում է Մոսկվայի ընդհանուր իրավասության դատարանների Telegram-ի պաշտոնական ալիքում տեղադրված հայտարարության մեջ։

«Մոսկվայի Տագանսկի շրջանային դատարանի որոշմամբ Apple Distribution International Ltd.-ն տուգանվել է 7 միլիոն ռուբլով», - ասվում է հայտարարության մեջ։

Մամուլի ծառայության տվյալներով՝ ընկերությունը մեղավոր է ճանաչվել Ռուսաստանի օրենսդրությամբ նախատեսված տեղեկատվությունը չհեռացնելու մեջ։ Սակայն հայտարարության մեջ չի նշվում, թե կոնկրետ ինչ բովանդակության մասին է խոսքը։

Ռուսաստանի դատարանները նախկինում բազմիցս տուգանել են Apple-ին տարբեր խախտումների համար, այդ թվում՝ Ռուսաստանում արգելված տեղեկատվությունը չհեռացնելու համար։

Օրինակ՝ սեպտեմբերի 8-ին Մոսկվայի դատարանը Apple-ին տուգանել է 3.5 միլիոն ռուբլով՝ տեղեկատվությանը մուտք գործելու սահմանափակման ընթացակարգերը խախտելու համար։ Հունիսին ընկերությունը պատասխանատվության է ենթարկվել ԼԳԲՏ քարոզչության համար (Միջազգային ԼԳԲՏ հասարակական շարժումը ճանաչվել է որպես ծայրահեղական և ահաբեկչական և արգելված է Ռուսաստանի Դաշնությունում) և տուգանվել է 3 միլիոն ռուբլով։

Թարգմանությունը՝ Lurer.com-ի