Bloomberg․ G7-ն մոտ է Ռուսաստանի դեմ պատժամիջոցների խստացման նոր փուլին

Bloomberg-ի տեղեկություններով՝ «Մեծ յոթնյակի» երկրները մոտ են համաձայնության գալու Ռուսաստանի նկատմամբ պատժամիջոցների «զգալի խստացման» շուրջ՝ կապված Ուկրաինայում շարունակվող պատերազմի հետ։

Նախագծի համաձայն՝ G7-ի ֆինանսների նախարարները պատրաստվում են հայտարարել Ռուսաստանի նավթային արտահանման դեմ լրացուցիչ ճնշման միջոցների մասին՝ այն համարելով Մոսկվայի հիմնական եկամուտների աղբյուր։ Ակնկալվում է, որ հայտարարությունը կհրապարակվի հոկտեմբերի 1-ին, սակայն փաստաթուղթը դեռ կարող է փոփոխությունների ենթարկվել մինչև վերջնական ստորագրումը։

Ավելի վաղ հաղորդվել էր, որ G7-ի երկրները նաև պայմանավորվել են արագացնել բանակցությունները՝ օգտագործելու սառեցված ռուսական ակտիվները Ուկրաինային ֆինանսական աջակցություն ցուցաբերելու համար։