ՆԱՏՕ-ում խոսում են «նախադեպը չունեցող սպառնալիքի» մասին. Innovant

Արևմտյան լրատվամիջոցները հաղորդում են, որ Ռուսաստանը 2023-ի գարնանից Կալինինգրադի մարզում կառուցում է հսկայական ռադիոլոկացիոն կայան՝ Լիտվայի և Լեհաստանի սահմանների մոտ։ Innovant-ի տվյալներով՝ օբյեկտը ներկայացնում է շրջանաձև դասավորված լայնածավալ անտեննային ցանց, որի տրամագիծը կարող է հասնել մինչև 1600 մետրի՝ գերազանցելով նմանատիպ կառույցները և ուժեղացնելով Մոսկվայի հետախուզական հնարավորությունները Բալթյան տարածաշրջանում։

ՆԱՏՕ-ն մտահոգված է ՌԼՍ-ի հնարավորություններով՝ այն դիտարկելով որպես Ռուսաստանի ուժի ցուցադրության և տարածաշրջանային հավասարակշռությունը փոխող քայլ։ Բալթյան երկրներն ու Լեհաստանը հայտարարել են սեփական պաշտպանական ենթակառուցվածքների ամրապնդման մասին։ ՆԱՏՕ-ում նշում են, որ կարող է անհրաժեշտ դառնալ վերանայել ռազմավարությունը Արևելյան Եվրոպայում՝ հաշվի առնելով նոր սպառնալիքները։

ՌԴ ԱԳ նախարար Սերգեյ Լավրովը ՄԱԿ-ի ԳԱ 80-րդ նստաշրջանում վստահեցրել է, որ Մոսկվան չի նախատեսում հարձակվել Եվրոպայի կամ ՆԱՏՕ-ի վրա, սակայն զգուշացրել է, որ ցանկացած ագրեսիա Ռուսաստանի դեմ կստանա կոշտ պատասխան։ Նա նաև քննադատել է Բորնհոլմ կղզու միլիտարիզացումը՝ հայտարարելով, որ ՆԱՏՕ-ի փորձերը Բալթիկ ծովը «ներքին ջրային տարածք» դարձնելու համար հաջողություն չեն ունենա։