Էրդողանը մեղադրել է Ասադին քաղաքական ցեղասպանության մեջ

«Սիրիայի բնակչության կողմից Բաշար Ասադին տրված ժամանակն իր ավարտին է հասել»: Այս մասին նշել է TRT թուրքական գործակալությունը` հղում կատարելով վարչապետ Ռեջեփ Թայիփ Էրդողանին:

Համաձայն Էրդողանի՝ Ասադը կատարում է քաղաքական ահաբեկչություն, և նա պետք է հեռանա: «Մարդ, ով սպանել է 60.000 սիրիացու, չի կարող լինել նախագահ»,-նշել է Էրդողանը:

Թուրքիայի և Սիրիայի միջև հարաբերությունները խիստ լարվեցին այն բանից հետո, երբ հոկտեմբերի սկզբին թուրքական Աչկալայի վրա արձակվեցին հրթիռներ հարևան տարածքներից, որի պատճառով մահացավ 5 մարդ և վիրավորվեց 11 մարդ: Դրանից հետո թուրքական կառավարությունը ստիպեց վայրէջք կատարել սիրիական օդանավը Անկարայի օդանավակայանում` մեղադրելով վերջինիս ռազմամթերք տեղափոխելու մեջ: Դրանից հետո ՆԱՏՕ-ն որոշում ընդունեց ուղարկել իր Patriot հրթիռները Թուրքիա:

Հիշեցնենք, որ վերջերս Policymic ամերիկյան վերլուծական-լրատվական սայտում հրատարակվել էր մի հոդված, որում հեղինակը նշել էր, որ 3 ցեղասպանություն կատարած նախագահ Էրդողանը չի կարող ցեղասպանության մեջ մեղադրել մեկ այլ նախագահի: