«Եթե մեր նախագահի կողքին կանգնելու և նվագելու անհրաժեշտությունը լինի, ապա ես մեծ հաճույքով կնվագեմ». Էդուարդ Թոփչյան
Գիտություն և Մշակույթ
«Եթե մեր նախագահի կողքին կանգնելու և նվագելու անհրաժեշտությունը լինի, ապա ես մեծ հաճույքով կնվագեմ։ Ես սիրում եմ նախագահին. նրա շնորհիվ է, որ մենք այսքան տարի գոյություն ունենք, սակայն նվագելուց զատ, ուրիշ ոչինչ չեմ կարող անել», – այսօր «Peoplemeter» մամուլի ակումբում լրագրողների հետ հանդիպման ժամանակ հայտարարեց Հայաստանի պետական ֆիլհարմոնիկ նվագախմբի գլխավոր դիրիժոր Էդուարդ Թոփչյանը։
Սակայն նա ավելացրեց, որ նախագահի կողքին կկանգնի որպես մարդ, այլ ոչ թե որպես քաղաքական ուժ. «Դրանից ավել բան չեմ կարող անել», – հավելեց նա։։
Նա նշեց, որ քաղաքական մարդ չի և ոչինչ չի հասկանում քաղաքականությունից և ցանկություն չունի շատ բաների մեջ խառնվել:
Ինչպես տեղեկացրեց ֆիլհարմոնիկ նվագախմբի գլխավոր դիրիժորը, հանրապետության առաջին տիկինը՝ Ռիտա Սարգսյանը, հաճախ է լինում ֆիլարմոնիկ նվագախմբի համերեգներին: Նրա հետ է հաճախ լինում է նաև առաջին վարչապետի տիկինը:
«Տարվա ընթացքում լինում են նաև այնպիսի համերգներ, որոնց ներկա է լինում նախագահը: Նախագահը մեզ օգնում է, բայց մենք պետք է գնանք շախմատի ճանապարհով, և ես ուզում եմ, որ մենք կանգնենք Նյու-Յորքի ֆիլարմոնիկի կողքին»,- ասաց Էդուարդ Թոփչյանը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
