ԱՄՆ-ն Կիևին հետախուզական տվյալներ կտա Ռուսաստանի խորքերը հարվածելու համար․ WSJ

ԱՄՆ-ն Ուկրաինային կտրամադրի հետախուզական տվյալներ, որոնք անհրաժեշտ են Ռուսաստանի տարածքի խորքը հարվածելու համար, հայտնում է The Wall Street Journal-ը՝ վկայակոչելով ամերիկացի պաշտոնյաներին:

«ԱՄՆ նախագահ Դոնալդ Թրամփը թույլ է տվել հետախուզական ծառայություններին և Պենտագոնին օգնել Կիևին», - հայտնում են աղբյուրները: Պարբերականի տվյալներով՝ Վաշինգտոնը խնդրել է ՆԱՏՕ-ի դաշնակիցներին Կիևին նմանատիպ աջակցություն տրամադրել։

Հարվածների թիրախ պետք է դառնան էներգետիկ ենթակառուցվածքների օբյեկտները։ Պարբերականի աղբյուրները հայտնել են՝ ԱՄՆ-ն դիտարկում է նաև Կիևին 800 կմ հեռահարությամբ Tomahawk, Barracuda և ամերիկյան արտադրության այլ հեռահար հրթիռներ մատակարարելու հնարավորությունը: «Դեռևս որոշում չի կայացվել, թե հատկապես որ մատակարարումները կարող են հաստատվել»: