Կանխատեսում են շաքարի գնի 20% աճ մինչև Նոր տարի

Telegram-ալիք Mash-ը կանխատեսում է, որ Ռուսաստանում շաքարի գինը մինչև Նոր տարի կարող է աճել շուրջ 20 տոկոսով՝ հիմնականում շաքարի ճակնդեղի անբավարար բերքի պատճառով։ Ըստ կանխատեսման՝ շաքարի մեկ կիլոգրամի միջին գինը կարող է բարձրանալ ներկայիս 68 ռուբլուց մինչև 81 ռուբլի։

Ագրարները Բելգորոդի, Կուրսկի, Վորոնեժի և Լիպեցկի շրջաններում հայտնում են, որ 2025 թվականին բերքատվությունը կրճատվել է մինչև 25%՝ նախորդ տարվա համեմատ։ Պատճառն ավերիչ գարնանային սառնամանիքներն էին, որոնք վնասեցին ցանքատարածությունները՝ ստիպելով կրկնակի ցանել դաշտերի մոտ 80%-ը, իսկ ամռան ամիսներին սկսված երաշտը խոչընդոտեց ճակնդեղի զանգվածի ավելացմանը։

Ներկայում շաքարի ճակնդեղի մատակարարումները Ռուսաստանի մասշտաբով կրճատվել են շուրջ 50%, իսկ Բելգորոդի մարզում՝ մինչև 96%։ Սա, ըստ մասնագետների, անխուսափելիորեն կբերի շաքարի թանկացման։ Սակայն АКРА գործակալության փորձագետ Անտոն Տրենինը պնդում է, որ 2025–2026 թվականների սեզոնին շաքարի արտադրությունը կարող է փոքր-ինչ աճել այս տարվա բարենպաստ բերքի հաշվին՝ կանխելով գների կտրուկ աճը, թեև դա կնվազեցնի գործարանների շահութաբերությունը։