Նորակառույց բնակարանների միջին գինը աճել է գրեթե 24%-ով

2025-ի սեպտեմբերի դրությամբ Մոսկվայի նորակառույցների միջին գնման բյուջեն հասել է 33,1 միլիոն ռուբլու, տարեկան աճելով 23,7%-ով, հայտնում է РБК-ն՝ վկայակոչելով bnMAP.pro-ի տվյալները։ Վերլուծաբանների խոսքով՝ գների այս թռիչքը պայմանավորված է մատչելի բնակարանների պակասով և «հարմարավետ» դասի առաջարկների կրճատմամբ։

Աճը նկատվել է նաև ամսական կտրվածքով՝ 3,3%։ Ամենամեծ թանկացումը գրանցվել է պրեմիում դասում՝ 43,4% աճով՝ մինչև 131,1 միլիոն ռուբլի, մինչդեռ զանգվածային սեգմենտում գները բարձրացել են ընդամենը 8,6%-ով՝ հասնելով 17,9 միլիոնի։ Բիզնես-դասի բնակարանները թանկացել են 6,7%-ով՝ հասնելով 33,46 միլիոնի։

Հիշեցնենք, որ վերջին երեք ամիսներին Մոսկվայում վարձակալության շուկան նույնպես թանկացել է՝ աճելով 11%-ով․ միջին ամսական վարձը հասել է 38 հազար ռուբլու։