ՆԱՏՕ-ի նախկին գլխավոր քարտուղարն Ուկրաինայի դաշնակիցներին «սպասողների կոալիցիա» է անվանել

«Աջակիցների կոալիցիան» առաջընթաց չունի Ուկրաինային աջակցելու հետագա միջոցառումների համաձայնեցման հարցում։ Այս մասին El Mundo-ին տված հարցազրույցում հայտարարել է ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը։

«Ես գնահատում եմ քննարկումները «աջակիցների կոալիցիայի» շրջանակներում, բայց հիմա այն ավելի շատ նման է «սպասողների կոալիցիայի», որտեղ առաջընթաց չկա», - ասել է նախկին պաշտոնյան։ Դաշինքի նախկին գլխավոր քարտուղարի խոսքով՝ «կոալիցիայի» հաջորդ օպտիմալ որոշումը կլիներ ԱՄՆ-ի աջակցությամբ Ուկրաինայում Եվրոպական զսպման ուժերի տեղակայումը, ինչը Ռուսաստանի «հստակ ազդանշանը» կլիներ:

Ըստ նախկին գլխավոր քարտուղարի՝ եվրոպական կոնտինգենտը ստիպված չէր լինի մարտի մեջ մտնել ռուսական բանակի հետ, իսկ նրա նպատակը կարող էր դառնալ խոշոր քաղաքների և ուկրաինական թիկունքում կարևոր ենթակառուցվածքի պաշտպանությունը: