Նիկոլ Քիդմանի և Քիթ Ուրբանի դուստրը Dior-ի պոդիումին՝ ծնողների բաժանության ֆոնին

17-ամյա Սանդեյ Ռոուզ Քիդման-Ուրբանը, դերասանուհի Նիկոլ Քիդմանի և երաժիշտ Քիթ Ուրբանի դուստրը, մասնակցել է Dior-ի նորաձևության ցուցադրությանը՝ այն պահին, երբ մամուլը գրում է նրա ծնողների ընտանիքի ճգնաժամի մասին, փոխանցում է Page Six-ը։

Ռոուզը հայտնվել է պոդիումի վրա մոխրագույն բլուզով, սև լայն տաբատով և ոսկեգույն դետալներով կոշիկներով։ Նրա կերպարը լրացրել են պապիոնն ու պարզ, թեթև վարսահարդարումը։

Սեպտեմբերի 30-ին հայտնի դարձավ, որ Քիդմանն ու Ուրբանը ամռանից ապրում են առանձին։ TMZ-ի աղբյուրների խոսքով՝ բաժանման նախաձեռնողը եղել է Ուրբանը, որը դժգոհել է կնոջ սառնությունից և մտերմության պակասից՝ ինչը, ըստ աղբյուրների, ծանր հարված է եղել դերասանուհու համար։