Պեսկով․ Պուտինը «Վալդայի» նիստում կխոսի միջազգային իրավիճակի մասին

ՌԴ նախագահի մամուլի խոսնակ Դմիտրի Պեսկովը հայտնել է, որ Վլադիմիր Պուտինի ելույթի հիմնական թեման Վալդայի միջազգային բանավիճային ակումբի պլենար նիստում լինելու է ներկայիս միջազգային իրավիճակը և դրա նախադրյալները։

«Պուտինը կխոսի այսօր աշխարհի իրավիճակի մասին, այդ թվում՝ նրա առաջացման նախապատմության», — նշել է Պեսկովը լրագրող Պավել Զարուբինին։ Նա հավելել է, որ Պուտինի ելույթները միշտ մանրակրկիտ վերլուծության և երկար քննարկումների թեմա են դառնում ամբողջ աշխարհում։

Հիշեցնենք, որ անցած տարի Վալդայի ֆորումի ընթացքում Պուտինը իր ելույթում շնորհավորել էր ԱՄՆ նախագահ Դոնալդ Թրամփին՝ ընտրություններում հաղթանակի կապակցությամբ։