Ուկրաինական գերությունից վերադարձած ռուս զինվորներին տեղափոխող ինքնաթիռը վայրէջք է կատարել Մոսկվայի մարզում

Ռուսաստանի զինված ուժերի անձնակազմին և Կիևի կողմից վերահսկվող տարածքից վերադարձող քաղաքացիական անձանց տեղափոխող ինքնաթիռը վայրէջք է կատարել Մոսկվայի մարզում, հայտնում է «ՌԻԱ Նովոստի»-ն։

Հոկտեմբերի 2-ին  Ռուսաստանի պաշտպանության նախարարությունը հայտարարե , որ Ռուսաստանը Կիևի կողմից վերահսկվող տարածքից վերադարձրել է իր 185 զինծառայողներին և փոխարենը հանձնել Ուկրաինայի զինված ուժերից 185 ռազմագերիների։

Գերատեսչությունը նաև հայտնել է, որ ռուսական կողմը Ուկրաինայի հետ փոխանակման շրջանակներում Կիևի վերահսկողության տակ գտնվող տարածքից վերադարձրել է 20 քաղաքացիական անձի։

Պաշտպանության նախարարության տվյալներով՝ վերադարձված ռուս զինծառայողներն ու քաղաքացիական անձինք տեղափոխվել են  Բելառուս, որտեղ նրանց ցուցաբերվել է անհրաժեշտ հոգեբանական և բժշկական օգնություն։ Ռուսաստանում նրանք վերականգնողական բուժում կանցնեն բժշկական հաստատություններում։