Երախտապարտ եմ Ադրբեջանին՝ աջակցության համար․ Զելենսկի

Հանդիպում եմ ունեցել Ադրբեջանի նախագահ Իլհամ Ալիևի հետ։ Շնորհակալություն հայտնեցի նրան Ուկրաինայի ինքնիշխանության և տարածքային ամբողջականության նկատմամբ իր սկզբունքային և հետևողական աջակցության համար։ Այս մասին սոցցանցերում գրել է Ուկրաինայի նախագահ Վլադիմիր Զելենսկին։

«Մենք քննարկեցինք Ուկրաինայում արդար խաղաղության հասնելու դիվանագիտական ​​ջանքերը, ինչպես նաև էներգետիկ ու պաշտպանական ոլորտներում գործընկերության հետ կապված հարցեր։ Պայմանավորվածություն ձեռք բերեցինք հետագա շփումների վերաբերյալ։

Ես երախտապարտ եմ Ադրբեջանին՝ աջակցության համար»,– գրել է նա։

Նշենք, որ Ուկրաինայի և Ադրբեջանի նախագահները Դանիայում Եվրոպական քաղաքական համայնքի գագաթնաժողովի շրջանակներում բանակցություններ են վարել անգլերենով։