71-ամյա տղամարդու հողամասում hայտնաբերվել է 3,5 կիլոգրամից ավելի մարիխուանա (տեսանյութ)
ՏեսանյութերՔրեական ոստիկանության Արմավիրի մարզային վարչությունում ստացվել էր օպերատիվ տեղեկություն, որ Նալբանդյան գյուղի մի բնակիչ տնամերձ հողամասում ապօրինի պահում և օգտագործում է թմրամիջոց։
Արմավիրի մարզային քննչական վարչությունում նախաձեռնված քրեական վարույթի շրջանակներում հոկտեմբերի 1-ին զննություն կատարվեց 71-ամյա տղամարդու հողամասում: Հայտնաբերվեց հողի մեջ թաղած երկուլիտրանոց ապակե երկու տարա՝ ամբողջությամբ լցված ավելի քան 850 և 770 գրամ կանեփանման զանգվածներով: Եվս երկու ապակե տարա հայտնաբերվեց պարսպի տակ թաղած դույլի մեջ` 3 և 1 լիտրանոց: Դրանք էլ լցված էին համապատասխանաբար` մոտ մեկ կիլոգրամ 400 գրամ և մոտ 560 գրամ կանեփանման չոր զանգվածներով։
Հայտնաբերված մարիխուանայի ընդհանուր քաշն ավելի քան երեքուկես կիլոգրամ էր:
71-ամյա տղամարդը ձերբակալվել, ներկայացվել է նախաքննական մարմին ու տեղափոխվել ձերբակալվածների պահման վայր։
Նախաքննությունը շարունակվում է։
ՈՒՂԻՂ ԵԹԵՐ
Ամենադիտված 
Սամվել Կարապետյանը հանդես կգա ճակատագրական հայտարարությամբ. «Ուժեղ Հայաստան» 
