P. Diddy-ն բանտում սկսել է մոտիվացիոն դասընթացներ կալանավորների համար

Ամերիկացի ռեփեր P. Diddy-ն (Շոն Քոմբս), որը ներկայումս գտնվում է բանտում, սկսել է հեղինակային մոտիվացիոն դասընթաց՝ Free Game With Diddy անվանմամբ։ Ինչպես գրում է PeopleTalk-ը, երաժիշտը ծրագրով օգնում է կալանավորներին զարգացնել կյանքի և բիզնեսի հմտություններ։

Բանտարկյալ Հո Վեն Քվոկը (հայտնի որպես Մայլզ Գուո) նամակ է հղել դատավորին՝ նշելով, որ Քոմբսը «օգնում է մարդկանց կարգի բերել իրենց միտքը և գտնել լույսը»։ Նրա խոսքով՝ ռեփերը երկար ժամանակ պատրաստվել է դասընթացներին՝ ընթերցելով գրքեր և ստեղծելով կառուցվածքային նյութեր։ Դասերի ընթացքում մասնակիցները քննարկում են նաև սոցիալական նախաձեռնություններ։

Ավելի վաղ դատախազները պահանջել էին P. Diddy-ին դատապարտել առնվազն 11 տարվա ազատազրկման։ Հուլիսին երդվյալ դատավորները նրան մեղավոր էին ճանաչել երկու կետի մասով՝ մարդկանց տեղափոխում մարմնավաճառության նպատակով, սակայն նա արդարացվել էր մարդկանց սեքսուալ շահագործման և շորթման նպատակով դավադրության մեղադրանքներից։