Միլիարդատեր Սուլեյմանովի դեմ ցուցմունք տված կասկածյալը ձերբակալությունից մի քանի ժամ անց մահացել է

«Նախորդ տարիներին» սպանության մեջ կասկածվող միլիարդատեր Իբրահիմ Սուլեյմանովի ձերբակալությունից հետո մահացել է Սուլեյմանովի դեմ ցուցմունք տված հետաքննության մեջ մեղադրվող 55-ամյա Աբաքար Դարբիշևը։ Դրա մասին գրում ТАСС-ը՝ վկայակոչելով իրավապահ մարմինների աղբյուրին։

Ըստ աղբյուրի՝ կասկածյալը, որը հոկտեմբերի 1-ին Մոսկվայի մարզի Օդինցովո քաղաքում հատուկ նշանակության ուժերի մասնակցությամբ ձերբակալվել էր, մահացել է «սրտի կաթվածից»։ Կասկածյալը, որի մահվան ճշգրիտ ժամը չի նշվել, 1990-ականներին այսպես կոչված «դաղստանյան» կազմակերպված հանցավոր խմբի ղեկավարն էր։ «ВЧК-ОГПУ»-ի տվյալներով՝ մահը վրա է հասել «ցուցմունք տալուց անմիջապես հետո՝ Կենտրոնական վարչական շրջանի ՆԳ վարչության դիմաց գտնվող օպերատիվ աշխատակիցների ավտոմեքենայում»։  

Ավելի վաղ հայտնել ենք, որ Մոսկվայում ձերբակալվել է ձեռնարկատեր և միլիարդատեր Իբրահիմ Սուլեյմանովը, նա կասկածվում է սպանության մեջ: Այս մասին հաղորդում է Baza տելեգրամյան ալիքը։

Ըստ ալիքի՝ ձեռնարկատերը ձերբակալվել է հոկտեմբերի 2-ի գիշերը: Նա կասկածվում է մի քանի տարի առաջ կատարված սպանության մեջ: Գործի վերաբերյալ այլ մանրամասներ չեն հաղորդվում։

Սուլեյմանովը համարվում է ժամանակակից Ռուսաստանի ամենաազդեցիկ օլիգարխներից մեկը: Նա արդեն դատապարտվել է խարդախության և փողերի լվացման համար, սակայն նույնիսկ դրանից հետո նրան հաջողվել է պահպանել ազդեցությունն ու իշխանությունը: