Կամաց-կամաց դառնում են մեծամասնություն․ Օրբան

Եվրոպական երկրների մեծ մասը փակ դռների հետևում համաձայն է Հունգարիայի հետ, որ Եվրոպան շարժվում է դեպի պատերազմ։ Նման հայտարարությամբ հանդես է եկել Հունգարիայի վարչապետ Վիկտոր Օրբանը Kossuth-ի եթերում։

«Ավելի ու ավելի շատ երկրներ են կիսում Հունգարիայի կարծիքը՝ մենք շարժվում ենք դեպի պատերազմ և վաղ թե ուշ տուն կվերադառնան դագաղները մեր զոհված երիտասարդների հետ։ Այդ վտանգը մեծանում է», - դժգոհել է վարչապետը։

«Բայց Բուդապեշտին երբեմն աջակցում է միայն Սլովակիան, մինչդեռ մյուսները քննադատում են։ Սակայն նրանք, ովքեր փակ դռների հետևում կիսում են հունգարական դիրքորոշումը, «կամաց-կամաց դառնում են մեծամասնություն», - հավելել է Օրբանը։