Իսրայելը դադարեցրել է Գազայի գրավման օպերացիան՝ համաձայնվելով Թրամփի խաղաղության ծրագրին

Իսրայելի իշխանությունները որոշել են դադարեցնել Գազայի գրավման օպերացիան, հաղորդում է ՌԻԱ Նովոստին՝ հղում անելով իսրայելական «Գալեյ ՑԱՀԱԼ» ռադիոկայանին։

Որոշումը կայացվել է այն բանից հետո, երբ կողմերը համաձայնել են սկսել ԱՄՆ նախագահ Դոնալդ Թրամփի խաղաղության ծրագրի իրագործումը։ Իսրայելական բանակին հրաման է տրվել կրճատել ակտիվ գործողությունները Գազայում՝ թողնելով միայն պաշտպանական գործողությունները։

Ավելի վաղ Թրամփը, ստանալով ՀԱՄԱՍԻ պատասխանն իր նախաձեռնությանը, հայտարարել էր, որ Մերձավոր Արևելքում խաղաղությունը մոտ է, և շնորհակալություն հայտնել բոլոր այն երկրներին, որոնք նպաստել են գործընթացին։ ԶԼՄ-ների տեղեկություններով՝ Իսրայելի վարչապետ Բինյամին Նեթանյահուն զարմանք էր հայտնել Թրամփի խոսքերի կապակցությամբ, թե ՀԱՄԱՍԸ պատրաստ է խաղաղության։