Վրաստանում ավարտվել են ՏԻՄ ընտրությունները
Աշխարհ
Վրաստանում ավարտվել են ՏԻՄ ընտրությունները։
Ընտրատեղամասերը փակվել են տեղական ժամանակով ժամը 20:00-ին:
Վրաստանի Կենտրոնական ընտրական հանձնաժողովի տվյալներով՝ ժամը 17: 00-ի դրությամբ ընտրողների մասնակցությունը կազմել է 33,5 տոկոս:
Ակնկալվում է, որ նախնական արդյունքները կհայտարարվեն երկու ժամվա ընթացքում:
Նշենք՝ ընտրությունները ուղեկցվել են զանգվածային ցույցերով։ Քվեարկությունը դեռ չավարտված՝ ցուցարարներն ամբողջությամբ փակել են Ռուսթավելիի պողոտան և հարակից Ազատության հրապարակը:
Հիշեցնենք՝ Վրաստանի 64 շրջաններում ՏԻՄ ընտրություններ են։ Ընտրություններին մասնակցում է 12 կուսակցություն, նրանց թվում են նաև ընդդիմադիր ուժեր, առաջատար ընդդիմադիր կուսակցությունները՝ «Հանուն փոփոխությունների կոալիցիան», «Միացյալ ազգային շարժումը», բոյկոտել են։
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
