Թբիլիսիում անկարգությունների հետեւանքով տուժել է 14 ոստիկան. մեկի վիճակը ծանր է

Թբիլիսիում նախագահական նստավայրի մոտ ցուցարարների հետ բախումների ժամանակ տուժել է 14 ոստիկան, նրանցից մեկը ծանր վիճակում է։ Այս մասին ճեպազրույցում հայտնել է Վրաստանի ՆԳ փոխնախարար Ալեքսանդր Դարախվելիձեն, փոխանցել է «Новости-Грузия»-ն։

 

Վրաստանի վարչապետ Իրակլի Կոբախիձեն հայտնել է, որ «պետությունը շատ խիստ կլինի ցանկացած մեկի հանդեպ, որը ձեռք կբարձրացնի ոստիկանի վրա»։

 

«Տուժածներից մեկը բավական ծանր վիճակում է… Ես կարծում եմ, որ այդ մարդիկ, որոնք նման բան են արել, պետք է աղոթեն»,- հայտնել է Կոբախիձեն։