Ալաբամայում փողոցում փոխհրաձգություն է տեղի ունեցել. կան զոհեր և վիրավորներ
Աշխարհ
Հակամարտող զինյալները սկսել են կրակել միմյանց վրա շաբաթ երեկոյան՝ Ալաբամա նահանգի մայրաքաղաքի մարդաշատ գիշերային թաղամասում, ինչի հետևանքով զոհվել է երկու մարդ, ևս 12-ը՝ վիրավորվել, հաղորդում է Associated Press-ը։
Մոնտգոմերիի ոստիկանապետ Ջեյմս Գրաբոյսը հայտնել է, որ երեք վիրավորներ տեղափոխվել են հիվանդանոց՝ կյանքին վտանգ սպառնացող վնասվածքներով։ Ոստիկանությունը դեպքի վայր է կանչվել տեղական ժամանակով ժամը 23:30-ին՝ «զանգվածային կրակոցների» մասին հաղորդման հիման վրա։
«Սրանք երկու կողմեր էին, որոնք, ըստ էության, կրակում էին միմյանց վրա՝ ամբոխի մեջ», - ասել է Գրաբոյսը լրագրողներին։
Ըստ նրա, կրակողները «չէին մտածում իրենց շրջապատող մարդկանց մասին, երբ դա անում էին»։
Գրաբոյսը նշել է, որ քննիչները ուսումնասիրում են ապացույցները և հարցաքննում հնարավոր կասկածյալներին, սակայն կիրակի վաղ առավոտյան դեռ ոչ ոքի մեղադրանք չի ներկայացվել։
«Մենք կանենք այն ամենը, ինչ անհրաժեշտ է՝ բոլոր ապացույցները հավաքելու և մեղավորներին հայտնաբերելու համար», — հավելել է նա։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
