Մերկելը անհեթեթություն է անվանել այն պնդումները, որ Օրբանը Պուտինի «տրոյական ձին» է ԵՄ-ում

Գերմանիայի նախկին կանցլեր Անգելա Մերկելը Partizán-ին տված հարցազրույցում «անհեթեթություն» է անվանել այն պնդումները, որ Հունգարիայի վարչապետ Վիկտոր Օրբանը ՌԴ նախագահ Վլադիմիր Պուտինի «տրոյական ձին» է Եվրամիությունում։

«Ոչ, դա անհեթեթություն է։ Մենք չէինք տրվի դրան. կարծում եմ՝ դա աբսուրդ է», - ասել է Մերկելը։

Նա ասել է, որ Օրբանը միշտ պաշտպանել է իր դիրքորոշումները եվրոպական ասպարեզում և շատ հստակ արտահայտել է Հունգարիայի դիրքորոշումը։ Մեկնաբանելով Բուդապեշտի կողմից ռուսական էներգետիկ ռեսուրսների գնումը՝ Մերկելը նշել է, որ «Հունգարիան այլ դիրքում է»։

Նախկին կանցլերը նշել է, որ երկիրը ծովային նավահանգիստներ չունի, և գազը «չի կարող պարզապես այստեղ բերվել»։