Տեղի կունենա Հովիկ Աբրահամյանի թոռան հետաձգված հարսանիքը, որը պայմանավորված էր պապի կալանավորումով (տեսանյութ)

Վաղը՝ հոկտեմբերի 7-ին, Գագիկ Ծառուկյանին պատկանող «Փարավոն» ռեստորանում վերջապես տեղի կունենա ՀՀ նախկին վարչապետ, ԱԺ նախկին նախագահ Հովիկ Աբրահամյանի թոռան հարսանիքը, որը 4 ամիս  հետաձգվել էր պապիկի ձերբակալման պատճառով։

ՀՀԿ երբեմնի ազդեցիկ գործչի խնամին մյուս ՀՀԿ-ական նախկին օլիգարխ Աշոտ Արսենյանն է։ Հովիկ Աբրահամյանի դստեր տղան ամուսնանում է «Ջերմուկ գրուպի» սեփակակնատեր Աշոտ Արսենյանի թոռնուհու հետ։ Դեռևս հունիսի 21-ին պլանավորված հարսանիքը ձախողվեց և հարկադրված  հետաձգեցին ընտանիքները, քանի որ անսպասելի իրավապահները ձերբակալեցին Հովիկ Աբրահամյանին և հապճեպ կալանքի որոշում կայացրեցին։ 

Հակակոռուպցիոն կոմիտեում քննվող քրեական վարույթի շրջանակներում հունիսի 13-ին ձերբակալվեց Աբրահամյանը․ նա մեղադրվում է մի քանի դրվագով փողերի լվացման, պաշտոնեական դիրքի չարաշահման և ապօրինի ձեռնարկատիրական գործունեության համար։

Հիշեցնենք, դատարանը նրա նկատմամբ խափանման միջոց էր ընտրել տնային կալանքը` 2 ամսով, ինչը նշանակում է, որ սահմանափակումների պատճառով բացառված էր Հովիկ Աբրահամյանի շփումներն ու տնից դուրս գալը,  և նրան այցելելու իրավունք ունեին բացառապես ԱԺ պատգամավորներն ու մեղադրյալի փաստաբանները, սակայն ընդգծենք ոչ մի պատգամավորի այցի մասին հաղորրդագրություն չեղավ՝ թե՛ ընդդիմադիր թևից, և թե՛ իշխանական։