«Կվալիֆիկացված խաղացող». Արեստովիչը Պուտինի մասին

Ուկրաինայի նախագահի գրասենյակի նախկին խորհրդական Ալեքսեյ Արեստովիչը ռուս լրագրող Կսենիա Սոբչակի հետ հարցազրույցում Վլադիմիր Պուտինին բնորոշել է որպես «կվալիֆիկացված խաղացող»։ Նա շեշտել է, որ դա գովեստ է ոչ թե որպես մարդ, այլ որպես քաղաքական գործիչ, որը «գիտի ճիշտ քայլեր անել»։

«Ես նրան գովում եմ որպես փորձառու խաղացողի։ Չեմ ասում, թե նա իդեալական մարդ է կամ սուրբ, պարզապես նա խաղացող է, որը ճիշտ քայլեր է անում և պահպանում է պայմանավորվածությունները», — նշել է Արեստովիչը՝ հավելելով, որ Պուտինն «լավ ֆիզիկական վիճակում է և երբեք չի խախտում պայմանավորվածությունները»։

Նույն հարցազրույցում Արեստովիչը հայտարարել է, որ պատրաստ է Ռուսաստանին հանձնել Կրիմը և չորս շրջան՝ ՖՌԳ և ԳԴՀ վերամիավորման օրինակով։ Նրա խոսքով՝ Ուկրաինայում հակամարտության դադարեցման համար պետք է երաշխավորվեն ռուսախոս բնակչության և եկեղեցու իրավունքները։