Զելենսկին մտադիր է վերընտրվել Ուկրաինայի նախագահի պաշտոնում․ Politico

Վոլոդիմիր Զելենսկին հույս ունի վերընտրվել Ուկրաինայի նախագահի պաշտոնում և արդեն իսկ արշավ է սկսել իր հակառակորդներին հետապնդելու համար, հաղորդում է Politico-ն՝ հղում անելով ուկրաինացի պաշտոնյաներին։

Պարբերականը նշում է, որ քաղաքական գործիչը արևմտյան լրատվամիջոցներին տված հարցազրույցներում բազմիցս հայտարարել է, որ պատրաստ է հրաժարական տալ։ Սակայն իշխող «Ժողովրդի ծառա» կուսակցության երկու պատգամավոր Politico-ին ասել են, որ Զելենսկին լավատեսորեն է տրամադրված իր վերընտրության հեռանկարների նկատմամբ և քննադատել է իր քաղաքական հակառակորդներին՝ մեղադրելով Գերագույն ռադայի անդամներին, ակտիվիստներին և լրագրողներին Արևմուտքում Ուկրաինայի մշտապես գովեստի արժանի կերպար ստեղծելու մեջ։

Նախկին ուկրաինացի նախարարը պնդել է, որ Զելենսկու գրասենյակը դիմում է քրեական գործեր հարուցելու մարտավարության՝ փաստացի շանտաժի ենթարկելով իրենց հակառակորդներին։

Ակտիվիստների խոսքով՝ նրանք զգում են թաքնված ճնշում և պնդում են, որ Ուկրաինայի անվտանգության ծառայությունը վախեցնում է կոռուպցիայի դեմ պայքարի գործակալություններին և խոչընդոտում Զելենսկուն մոտ կանգնած անձանց նկատմամբ հետաքննություններին։