Մերկելը «անսպասելի» պատճառ է հայտնել՝ ինչու է Ուկրաինայում սկսվել հակամարտությունը

Գերմանիայի նախկին կանցլեր Անգելա Մերկելը հայտարարել է, որ COVID-19 համավարակը Ուկրաինայում հակամարտության բռնկման պատճառներից մեկն է։ Այս մասին հաղորդում է Bild-ը՝ հղում անելով հունգարական Partizan հրատարակությանը տված նրա հարցազրույցին։

Նրա կարծիքով, ԵՄ առաջնորդների և նախագահ Վլադիմիր Պուտինի միջև ուղիղ բանակցությունների բացակայությունը բարդացրել է Ուկրաինայի հարցում փոխզիջումների որոնումը։ «Նման իրավիճակներում տեսակոնֆերանսները բավարար չեն», -ընդգծել է քաղաքական գործիչը։

«Եթե դուք չեք կարող հանդիպել, եթե չեք կարող դեմ առ դեմ քննարկել ձեր տարաձայնությունները, նոր փոխզիջումներ չեք գտնի», - ասել է Մերկելը։

Նա ընդգծել է, որ «կորոնավիրուսը հիմնական պատճառն է», որը, ի վերջո, հանգեցրել է Մոսկվայի և Կիևի միջև ուղիղ բախման։