Պուտինի ելույթից հետո Պուշկինի «Բորոդինոյի տարելիցը» դարձավ հիթ

Ռուսաստանի նախագահ Վլադիմիր Պուտինի՝ «Վալդայ» միջազգային ակումբի նիստում Ալեքսանդր Պուշկինի «Բորոդինոյի տարելիցը» բանաստեղծությունից մեջբերելը խթանել է ընթերցողների հետաքրքրությունը այս ստեղծագործության հանդեպ։ Գրքային «Строки» ծառայության տվյալներով՝ բանաստեղծության որոնումները աճել են 12 անգամ, իսկ այն ներառող 1831 թվականի ժողովածուի ընթերցման ծավալը՝ 15 տոկոսով։

Սերվիսի մասնագետները նշել են, որ հոկտեմբերի 2-5-ը կայքում և հավելվածում Պուշկինի անունով որոնումները աճել են 65 տոկոսով՝ համեմատած սեպտեմբերի 28-ից հոկտեմբերի 1-ի միջակայքի հետ։ Սա ցույց է տալիս, որ նախագահի ելույթը զգալիորեն բարձրացրել է հետաքրքրությունը ռուս դասականի գործերի նկատմամբ։

Հիշեցնենք, որ Պուտինը «Վալդայ»-ի համաժողովում հայտարարել էր, թե իր սեղանին միշտ դրված է Պուշկինի հատորը, որը կարդում է ազատ ժամանակ։ Նա ընդգծել էր, որ «Բորոդինոյի տարելիցը» ստեղծագործությունը «պատասխան է տալիս բազմաթիվ հարցերի» և այժմ էլ հնչում է այնպես, կարծես գրվել է մեր օրերում։