Դանիան ԵՄ գագաթնաժողովի ժամանակ թռիչքազերծ գոտիներ կսահմանի

Դանիական ոստիկանությունը ԵՄ գագաթնաժողովի վայրի մոտակայքում մի քանի տարածքներ կհայտարարի թռիչքներից զերծ գոտի, հաղորդում է «ՌԻԱ Նովոստի»-ն՝ հղում անելով դանիական ոստիկանության հայտարարությանը։

Հոկտեմբերի 9-ից 10-ը Հորսենսում տեղի կունենա հեռահաղորդակցության ոլորտի նախարարների հանդիպում, իսկ հոկտեմբերի 13-ին և 14-ին՝ առևտրի նախարարների հանդիպում։

«Դանիայի ԵՄ նախագահության հետ կապված՝ Հորսենսի տարածքում կստեղծվեն ժամանակավոր թռիչքազերծ գոտիներ», - ասվում է գերատեսչության հայտարարության մեջ։

Դանիացի իրավապահ մարմինների աշխատակիցները նշում են, որ միջոցառումները ձեռնարկվել են բացառապես անվտանգության և հասարակական կարգի պահպանման շահերից ելնելով։