Սևանա լճի հիդրոլոգիական ռեժիմը սեպտեմբերի 29-ից հոկտեմբերի 5-ը

Հիդրոօդերևութաբանության և մոնիթորինգի կենտրոնը ներկայացրել էՍևանա լճի հիդրոլոգիական ռեժիմը 2025 թվականի սեպտեմբերի 29-ից հոկտեմբերի 5-ը:

Սևանա լճի մակարդակը 2025 թվականի սեպտեմբերի 29-ից հոկտեմբերի 5-ն ընկած ժամանակահատվածում իջել է 1 սմ-ով և կազմել՝ 1900.40 մ (05.10.25թ․), որն անցյալ տարվա նույն օրվա մակարդակից ցածր է 11 սմ-ով, իսկ 2025 թվականի հունվարի 1-ի մակարդակից բարձր է 1 սմ-ով։

Արփա-Սևան ջրատարով 2025 թվականի սեպտեմբերի 29-ից հոկտեմբերի 5-ն ընկած ժամանակահատվածում Սևանա լիճ տեղափոխված ջրի քանակը կազմել է 1.267 մլն.մ³, իսկ 2025 թվականի հունվարի 1-ից հոկտեմբերի 5-ը ներառյալ՝ 105.150 մլն.մ³:

Սևանա լճից բացթողնված ջրի ծավալը ըստ Հրազդան ՀԷԿ-ի ուղղաթեք ջրանցքի Գեղամավան դիտակետի սեպտեմբերի 29-ից հոկտեմբերի 5-ը ներառյալ ընկած ժամանակահատվածում կազմել է 0.000 մլն.մ³, իսկ ընդհանուր գումարային բացթողումը՝ հունիսի 6-ից հոկտեմբերի 5-ը ներառյալ՝ 180.965 մլն.մ³: