Ռուբեն Վարդանյանը լքել է «Ատոմ» նախագիծը․ «Կոմերսանտ»

Գործարար Ռուբեն Վարդանյանը, որը ներկայումս ապօրինաբար բանտարկված է Ադրբեջանում, ամբողջությամբ լքել է ռուսական ավտոարդյունաբերությունը՝ վաճառելով «Ատոմ» էլեկտրամոբիլների նախագծում իր բաժնեմասը, հաղորդում է «Կոմերսանտը»։

Նշվում է, որ նրա 25% բաժնեմասը «Վոսխոդ» ՍՊԸ-ում, որը «Կամա»-ի հիմնական բաժնետերն է, փոխանցվել է հենց ընկերությանը:

Այժմ «Վոսխոդի» համասեփականատերերն են «ԿամԱԶ»-ի գլխավոր տնօրեն Սերգեյ Կոգոգինը (37.5%) և «Սպեկտր» ՍՊԸ-ն (37.5%): 2024 թվականի աշնանը Վարդանյանը նաև դադարեց լինել «ԿամԱԶ»-ի համասեփականատեր: Մասնագետները կարծում են, որ գործարարի՝ նախագծից դուրս գալը պայմանավորված է նրա դժվարին իրավիճակով. 2023 թվականի սեպտեմբերին նա ձերբակալվել է Ադրբեջանում և ներկայումս գտնվում է բանտում: