Իսրայելը գտնվում է մուրճի և սալի միջև. WSJ

Իսրայելը գտնվում է մուրճի և սալի միջև: Այս մասին հայտարարել է Իսրայելի մի քանի վարչապետների նախկին խորհրդական Շալոմ Լիպները: Նրա խոսքը մեջբերում է The Wall Street Journal-ը։

«Տարածաշրջանային առումով Իսրայելն այժմ ավելի քիչ վտանգի տակ է, քան երկու տարի առաջ, բայց միջազգային մակարդակում երկիրը գտնվում է մուրճի և սալի միջև, և երկարաժամկետ միտումները նրա օգտին չեն», - ասել է նախկին խորհրդականը: Պարբերականը նշում է՝ Իսրայելի նկատմամբ զայրույթը Մահմեդական աշխարհից տարածվել է դեպի Եվրոպա և ավելի ու ավելի շատ՝ ԱՄՆ, որտեղ Դեմոկրատական կուսակցության զգալի մասը և MAGA շարժման աճող մասը այժմ դեմ են Իսրայելին ամերիկյան օգնությանը:

Եվրահանձնաժողովի արտաքին քաղաքականության հարցերով նախկին ավագ խորհրդական Նատալի Տոչիի խոսքով՝ Իսրայելը չարաշահել է իր լիազորությունները, քանզի Արևմուտքն իրեն դա թույլ է տվել: Նա նշել է՝ իր ընկերները ինչ-որ առումով «այնքան էլ ընկերասեր չեն», քանի որ նրանք Թել Ավիվին հետ չեն պահել երկարաժամկետ հեռանկարում կործանարար գործողություններից: