Արաբական երկրները չեն աջակցի Թրամփի խաղաղության պլանին Գազայի համար. փորձագետ

Արաբական երկրները չեն աջակցի ԱՄՆ նախագահ Դոնալդ Թրամփի առաջարկած խաղաղության պլանին Գազայի սեկտորի շուրջ՝ ՀԱՄԱՍ-ի նախորդ գործողությունների և տարածաշրջանային հակասությունների պատճառով։ Այս մասին Лента.ру-ին տված հարցազրույցում հայտարարել է արևելագետ, ՌԴ ԱԳԽ խորհրդի ծրագրային մենեջեր Իվան Բոչարովը։

Փորձագետը նշել է, որ Թրամփի նախաձեռնած միջազգային կառույցի ստեղծման գաղափարը չի վայելում պաղեստինցիների աջակցությունը և քիչ հավանական է, որ ամբողջությամբ հավանություն ստանա արաբական երկրների կողմից։ Նրա խոսքով՝ Վաշինգտոնի և տարածաշրջանային պետությունների շահերը հաճախ չեն համընկնում, ինչը խոչընդոտում է ԱՄՆ-ի նախաձեռնությունների իրագործմանը։

Բոչարովը առանձնացրել է նաև Եգիպտոսի զգուշավոր վերաբերմունքը ՀԱՄԱՍ-ին՝ նրա կապերի պատճառով արգելված «Մուսուլման եղբայրներ» շարժման հետ, իսկ Հորդանանը մնում է կասկածամիտ՝ հիշելով 1970 թվականին ՕՊՕ-ի կողմից իրականացված հեղաշրջման փորձը։