Կիևը միջամտում է Հունգարիայի ընտրություններին՝ փորձելով աջակցել ընդդիմությանը․ ԱԳ նախարար Սիյարտո

Ուկրաինայի իշխանությունները միջամտում են Հունգարիայի 2026 թվականի խորհրդարանական ընտրություններին։ Այս մասին իր Ֆեյսբուքյան էջում հայտարարել է Հունգարիայի արտաքին գործերի նախարար Պետեր Սիյարտոն։

Նա ասել է, որ սա «զարմանալի չէ», քանի որ ուկրաինացիները, ինչպես բոլորը, գիտեն, որ եթե Հունգարիայում մնա ազգային կառավարությունը, կաբինետի որոշումները կլինեն բացառապես երկրի ազգային շահերից ելնելով, և այդ դեպքում Ուկրաինան չի լինի Եվրամիության անդամ։

«Եթե Հունգարիայում հաստատվի Բրյուսելում տեղակայված «խամաճիկ» կառավարություն, Ուկրաինայի ԵՄ-ին անդամակցության բոլոր խոչընդոտները կվերանան, հունգարացի հարկատուների միջոցները նույնպես կհայտնվեն ուկրաինական իշխանությունների ձեռքում, և հունգարական պետությունը կբախվի անորակ գյուղատնտեսական արտադրանքի, ֆերմերները կհայտնվեն կործանման առջև, իսկ երկիրը կդառնա «ուկրաինական մաֆիայի դարպաս»», -ասել է Սիյարտոն։