Պատերազմում, իբր, հաղթած երեք նախկին ղեկավարները վախենում են գալ ինձ հետ բանավեճի․ Փաշինյան (տեսանյութ)

Պատերազմում իբր հաղթած, իբր Ղարաբաղը հայկական պահած, իբր բանակցույթուններում անգերազանցելի, իբր տնտեսությունը զարգացրած 3 նախկին նախագահները վախենում են գալ իմ հետ բանավեճի։ Այս մասին, այսօր՝ հոկտեմբերի 7–ին, «Մի րոպե մի բան ասեմ–3» խորագրի ներքո հայտարարել է ՀՀ վարչապետ Նիկոլ Փաշինյանը։

Նա նաև նշել է. «Ընդ որում, էդ ժանրը, որ ես քեզ հետ բանավիճելու բան չունեմ, լեգիտիմ ժանր է, բայց ամբողջ խնդիրն այն է, որ էդ մարդկանց խոսացածի 99,9 տոկոսը բանավեճ է ինձ հետ։ Իսկ չեն գալիս բանավեճի, որովհետեւ իրենց խոսացածի 99,9 տոկոսը, որ բանավեճ է ինձ հետ, ֆեյք է։ Դա շատ հեշտությամբ ցույց կտամ։ Ի դեպ, խորհրդարանական ընտրությունների եք մասնակցելու, էլի բանավեճի չեք գալո՞ւ, էլի փախնելո՞ւ եք»։