MAX մեսենջերում գործարկվել է էլեկտրոնային ստորագրությամբ փաստաթղթերի ստորագրման ծառայություն

MAX մեսենջերի օգտատերերի համար հասանելի է դարձել նոր ծառայություն․ գործարկվել է «Գոսկլյուչ» չաթ-բոտը, որի միջոցով հնարավոր է էլեկտրոնային ստորագրությամբ ստորագրել վաճառքի պայմանագրեր, դատական դիմումներ և այլ փաստաթղթեր։ Այս մասին հայտնել են հարթակի մամուլի ծառայությունից։

Նոր ծառայությունից օգտվելու համար անհրաժեշտ է թարմացնել մեսենջերը մինչև վերջին տարբերակը և ունենալ հաստատված հաշիվ «Госуслуги» պորտալում, ինչպես նաև էլեկտրոնային ստորագրության սերտիֆիկատ։ Օգտատերերը պետք է «Գոսկլյուչ» բոտը գտնեն MAX-ի որոնման բաժնում, հաստատեն պրոֆիլը «Госуслуги»-ի միջոցով, ապա վերբեռնեն անհրաժեշտ փաստաթղթերը և ընտրեն ստորագրության տեսակը։ Բոլոր ստորագրված փաստաթղթերը կպահպանվեն մեսենջերում։

Ավելի վաղ՝ օգոստոսի 25-ին, հայտարարվել էր, որ MAX-ն ավարտել է «Գոսկլյուչ» բջջային էլեկտրոնային ստորագրության տեխնոլոգիայի ինտեգրումը, ինչը թույլ կտա ռուսաստանցիներին մեսենջերի միջոցով արագ և անվտանգ ստորագրել տարբեր փաստաթղթեր։ Ներկայումս MAX-ի օգտատերերի թիվը գերազանցում է 30 միլիոնը, իսկ ամեն օր կատարվում է ավելի քան 15 միլիոն զանգ։