Կրեմլում պատմել են, թե ինչպես է Պուտինը անցկացրել իր ծննդյան օրը
Աշխարհ
Ռուսաստանի նախագահ Վլադիմիր Պուտինը իր ծննդյան օրը անցկացրել է ծննդավայրում՝ Սանկտ Պետերբուրգում։ Այս մասին հայտնել է նրա մամուլի քարտուղար Դմիտրի Պեսկովը, փոխանցում է РИА Новости-ն։
Նրա խոսքով՝ օրվա առաջին կեսին պետության ղեկավարը այցելել է Պետրոպավլովյան տաճար, որը գտնվում է Պետրոպավլովյան ամրոցում։ Ռուսաստանի առաջնորդին ուղեկցել են պաշտպանության նախարար Անդրեյ Բելոուսովը, ՌԴ ԱԱԾ տնօրեն Ալեքսանդր Բորտնիկովը, զինված ուժերի գլխավոր շտաբի պետ Վալերի Գերասիմովը, ինչպես նաև զորախմբերի հրամանատարներ։
Ինչպես նշել է Կրեմլի ներկայացուցիչը, օրվա ընթացքում Պուտինը անցկացրել է խորհրդակցություն, որի ժամանակ գլխավոր շտաբի պետ Գերասիմովն ու զորախմբերի հրամանատարները մանրամասն զեկուցել են նախագահին ռազմաճակատների օպերատիվ իրավիճակի մասին։
Ավելի վաղ Պեսկովը հայտնել էր, որ նախագահը իր ծննդյան օրը նախատեսում է անցկացնել Անվտանգության խորհրդի մշտական անդամների հետ խորհրդակցություն և մի քանի հեռախոսազրույցներ ունենալ արտասահմանյան գործընկերների հետ։
Հոկտեմբերի 7-ին Վլադիմիր Պուտինը նշում է իր 73-ամյակը։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
