Թրամփը խոսել է Կանադայի՝ ԱՄՆ կազմի մեջ մտնելու հնարավորության մասին
Աշխարհ
ԱՄՆ նախագահ Դոնալդ Թրամփը Սպիտակ տանը Կանադայի վարչապետ Մարկ Քարնիի հետ նոր հանդիպման ժամանակ անդրադարձել է Կանադայի՝ Միացյալ Նահանգների կազմի մեջ մտնելու հնարավորությանը։
Հանդիպման սկզբում Քարնին նշել է, որ Թրամփը ապահովել է «տնտեսության վերափոխում, ՆԱՏՕ-ի գործընկերների աննախադեպ պարտավորություններ ռազմական ծախսերի ոլորտում», ինչպես նաև առաջխաղացում է արձանագրել Ադրբեջանի և Հայաստանի, ինչպես նաև Հնդկաստանի և Պակիստանի միջև հարաբերությունների կարգավորման գործում։ «Բացի այդ, ամենակարևորը, հավանաբար, դա է…»- շարունակել է Քարնին, սակայն Թրամփը նրան ընդհատել է՝ ասելով․ «Կանադայի և Միացյալ Նահանգների միավորումը»։ Վարչապետը ծիծաղելով արձագանքել է․ «Ես այդ մասին չէի ասում»։ Դրանից հետո նա լրջացել է և հիշեցրել ՀԱՄԱՍ-ի հարձակման երկրորդ տարելիցի մասին Իսրայելում։
Թրամփը հստակ պատասխան չի տվել լրագրողների բազմակի հարցերին՝ հնարավոր է արդյոք հաղթահարել Վաշինգտոնի և Օտտավայի միջև առկա առևտրային տարաձայնությունները, ձեռք բերել նոր պայմանավորվածություն կամ նվազեցնել ԱՄՆ մաքսատուրքերը կանադական ներմուծման համար, սակայն բարձր է գնահատել Քարնիի աշխատանքը։
ՈՒՂԻՂ ԵԹԵՐ
Ամենադիտված 
Երբ կմեկնարկի փետրվար ամսվա կենսաթոշակների վճարումը
