Թրամփը խնդրանքով դիմել է Էրդողանին
Աշխարհ
ԱՄՆ նախագահ Դոնալդ Թրամփը խնդրել է Թուրքիային «համոզել» ՀԱՄԱՍ–ին ընդունել Գազայում պատերազմը դադարեցնելու իր ծրագիրը, թուրք լրագրողներին ասել է Թուրքիայի նախագահ Ռեջեփ Թայիփ Էրդողանը։
«Ե՛վ ԱՄՆ կատարած մեր այցի ժամանակ, և՛ մեր վերջին հեռախոսազրույցի ժամանակ մենք պարոն Թրամփին բացատրեցինք, թե ինչպես կարելի է հասնել Պաղեստինում կարգավորման։ Նա հատուկ խնդրեց մեզ հանդիպել ՀԱՄԱՍ–ի ներկայացուցիչների հետ և համոզել նրանց», - ասել է Էրդողանն ինքնաթիռում՝ Ադրբեջանից վերադառնալիս։
«ՀԱՄԱՍ–ը, ի պատասխան, մեզ ասաց, որ պատրաստ է խաղաղության և բանակցությունների։ Այլ կերպ ասած, նա հակառակ դիրքորոշում չի ընդունել։ Ես սա համարում եմ շատ արժեքավոր քայլ։ ՀԱՄԱՍ–ն առաջ է անցել Իսրայելից», - հավելել է Էրդողանը։
«Մեր գործընկերները այժմ Շարմ էլ Շեյխում են», - ասել է նա՝ անդրադառնալով Իսրայելի և ՀԱՄԱՍ–ի միջև անուղղակի բանակցությունների վայրին։ «Մենք միշտ կապի մեջ ենք ՀԱՄԱՍ–ի հետ այս գործընթացի ընթացքում։ Մենք շարունակում ենք պահպանել կապը»,– նշել է նա։
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
