Ռուսաստանը չի կարողանա վեցերորդ սերնդի ՄիԳ-41 կործանիչ ստեղծել. NSJ

Ռուսաստանը չի կարողանա մշակել վեցերորդ սերնդի ՄիԳ-41 կործանիչը՝ պատժամիջոցների և արդյունաբերական խնդիրների պատճառով, գրում է ամերիկյան National Security Journal հրատարակության սյունակագիր Սթիվեն Սիլվերը։

Սիլվերը մեկնաբանել է վաստակավոր ռուս օդաչու Վլադիմիր Պոպովի խոսքերը, ով ենթադրել էր, որ Ռուսաստանը կարող է մշակել նոր սերնդի կործանիչ ինքնաթիռ, որը կարող է լինել ՄիԳ-41-ը։

«Մինչև սարքավորումները հասանելի չլինեն, ՄիԳ-41-ը կմնա ավելի շատ պատմություն, քան ինքնաթիռ, ինչը հիշեցում է այն մասին, որ Ռուսաստանի աերոտիեզերական հավակնությունները գերազանցում են նրա արդյունաբերական բազային», - նշել է փորձագետը։