Ի՞նչ կապ ունեն Ադրբեջանը և Իսրայելն Իրանի նախկին նախագահի ուղղաթիռի կործանման հետ

Իրանի նախկին նախագահ Իբրահիմ Ռաիսիի ուղղաթիռի կործանումը, կարող էր լինել նախապես ծրագրված դավադրության արդյունք, որին ենթադրաբար ներգրավված են եղել Իսրայելը, Մեծ Բրիտանիան և Ադրբեջանը, հայտարարել է Իրանի խորհրդարանի անդամ Քամրան Ղազանֆարին։

Ղազանֆարին նշել է, որ Ռաիսիի մասնակցությունը ամբարտակի բացման արարողությանը տեղի է ունեցել Իլհամ Ալիևի պնդմամբ, և որ Ալիևը հանդիպել է հրեա ռաբբիների հետ միջադեպից մի քանի օր առաջ:

Պատգամավորի խոսքով՝ իրանական հետախուզական գործակալություններն ունեն փաստաթղթեր և զեկույցներ, որոնք ցույց են տալիս, որ աղետը կարող է նախապես պլանավորված լինել: