Tesla-ի էժանացված մոդելները հիասթափեցրին գնորդներին և տապալեցին ընկերության բաժնետոմսերը

Ամերիկյան Tesla ընկերության բաժնետոմսերը նվազել են ավելի քան 4 %-ով՝ Model Y և Model 3 էլեկտրամեքենաների էժանացված տարբերակների ներկայացումից հետո, գրում է Financial Times-ը։

Գնաճի կրճատումը կազմել է մոտ 15 % կամ մոտ 5 հազար դոլար, սակայն այդ գումարը չի ծածկում ԱՄՆ նախագահ Դոնալդ Թրամփի նախաձեռնած՝ 7,5 հազար դոլարի դաշնային արտոնությունների չեղարկումը։ Էժան տարբերակներից հանվել են մի շարք կարևոր ֆունկցիաներ՝ ավտոպիլոտի կողմնավարումը, լիաքարշակ համակարգը, ապակյա տանիքը, ակտիվ ամորտիզատորները, էլեկտրակառավարվող հայելիները, ինտերիերի լուսավորությունն ու նույնիսկ եթերային ռադիոն։

Մասնագետները ենթադրում են, որ Tesla-ն իրականում չի նախատեսում զանգվածաբար վաճառել այս մոդելները․ դրանց ցուցադրությունը նախատեսված էր միայն գովազդային արժեքը նվազեցնելու համար՝ «գինը սկսվում է ...» նշումով։ Նման քայլ ընկերությունը արդեն արել էր տարվա սկզբին՝ Cybertruck-ի էժան տարբերակի հետ։ Չնայած Tesla-ն երրորդ եռամսյակում արձանագրել է վաճառքների ռեկորդ, չորրորդը կարող է լինել դժվարին՝ արտոնությունների վերացման պատճառով։