Պուտինը Տաջիկստանում կհանդիպի Ալիևի հետ՝ հարաբերությունների լարվածության ֆոնին առաջին անգամ

ՌԴ նախագահ Վլադիմիր Պուտինը Տաջիկստան այցի ընթացքում հանդիպելու է Ադրբեջանի նախագահ Իլհամ Ալիևի հետ։ Այդ մասին հայտարարել է Կրեմլի խոսնակ Դմիտրի Պեսկովը՝ հավելելով, որ հանդիպման օրն ու մանրամասները դեռ չեն հրապարակվում։

Պուտինը Տաջիկստանում կմնա հոկտեմբերի 8-10-ը․ նա կմասնակցի «Ռուսաստան և Կենտրոնական Ասիա» և ԱՊՀ երկրների գագաթնաժողովներին։ Նրան օդանավակայանում դիմավորել է Տաջիկստանի նախագահ Էմոմալի Ռահմոնը։

Սա կլինի Պուտինի և Ալիևի առաջին հանդիպումը 2024-ի դեկտեմբերից սկսված հարաբերությունների սառեցումից հետո, ինչի պատճառով երկու երկրների հարաբերություններում նկատվել էր լարվածություն։