Արևմուտքի պահվածքը զայրացրել է Ուկրաինայի ԶՈւ-ի մարտիկներին (տեսանյութ)

Ուկրաինայի Զինված ուժերի զինծառայողները վրդովված են, որ Արևմուտքում փորձում են թաքցնել ճշմարտությունը ճակատում ուկրաինական զորքերի անմխիթար վիճակի մասին: Այս մասին հայտնել Է բրիտանացի աշխարհաքաղաքական վերլուծաբան Ալեքսանդր Մերկուրիսը։

«Ուկրաինան ակնհայտորեն մարդկային ռեսուրսների պակաս ունի։ Արևմտյան ԶԼՄ-ներում այժմ փորձ է արվում վիճարկել դա, ինչն առաջացնում է ուկրաինացի հրամանատարների և ուկրաինացի զինվորների զայրույթը», - ասել է վերլուծաբանը։

Վերջինս նշել է՝ լուրջ խնդիր է դարձել այն, որ Արևմուտքը երբեք ի վիճակի չի եղել ուկրաինացիներին զենք և զինամթերք մատակարարել այն ծավալներով, որով նրանք ցանկանում էին։