Սթարմերը խոսել է Մոդիի հետ Ուկրաինայում ստեղծված իրավիճակի շուրջ բանակցությունների մասին

Մեծ Բրիտանիայի վարչապետ Քեյր Սթարմերը հայտարարել է, որ Հնդկաստան կատարած այցի ընթացքում քննարկել է Ուկրաինայում ստեղծված իրավիճակը Հնդկաստանի վարչապետ Նարենդրա Մոդիի հետ, հաղորդում է TASS-ը՝ հղում անելով Sky News-ին։

Սթարմերի խոսքով՝ հանդիպման հիմնական թեմաներն էին «Ուկրաինայում արդար և երկարատև խաղաղություն հաստատելու, Հնդկ-խաղաղօվկիանոսյան տարածաշրջանում կայունություն և անվտանգություն հաստատելու, ինչպես նաև կլիմայի և էներգետիկայի նման հիմնական ոլորտներում համագործակցության անհրաժեշտությունը, այդ թվում՝ բրածո վառելիքից կախվածությունից ազատվելը»։