Tomahawk հրթիռները կամրապնդեն Ուկրաինային և ռուսներին կստիպեն սթափվել․ Զելենսկի

Ուկրաինայի նախագահ Վոլոդիմիր Զելենսկին հայտարարել է, որ հանրապետության բոլոր հնարավորություններով, այդ թվում՝ հեռահար Tomahawk հրթիռներով ամրապնդումը այսօր կարևոր ազդանշան է։ Նրա խոսքերը մեջբերում է РБК-Украина-ն։

«Ուկրաինայի բոլոր հնարավորություններով ամրապնդումը այսօր կարևոր ազդանշան է։ Եվ այդ հնարավորություններից մեկը, որը կարևոր է ինձ համար, Tomahawk-ներն են։ Նման բաները կարող են ամրապնդել Ուկրաինային և ստիպել ռուսներին ուշքի գալ։ Մի փոքր սթափեցրեք նրանց և բերեք բանակցությունների սեղանի շուրջ», - ասել է Զելենսկին։