Հասանովը Թուրքիայի ՊՆ ղեկավարի հետ քննարկել է «տարածաշրջանային անվտանգության ապահովման» հարցը

Հոկտեմբերի 9-ին, Թուրքիա կատարած պաշտոնական այցի ընթացքում, Ադրբեջանի պաշտպանության նախարար, գեներալ-գնդապետ Զաքիր Հասանովը հանդիպել է Թուրքիայի ազգային պաշտպանության նախարար Յաշար Գյուլերի հետ։

Անկարայում կայացած հանդիպման ժամանակ նշվել է, որ Ադրբեջանի և Թուրքիայի միջև «եղբայրական և ռազմավարական դաշնակցային» հարաբերությունները հաջողությամբ զարգանում են բոլոր ոլորտներում, այդ թվում՝ ռազմական։

Պաշտպանության նախարարները ընդգծել են, որ ադրբեջանա-թուրքական ռազմական համագործակցության ընդլայնումը երկու պետությունների ղեկավարների ուշադրության կենտրոնում է։

Երկկողմ հանդիպման ընթացքում կողմերը մտքեր են փոխանակել ռազմական, ռազմատեխնիկական և ռազմական կրթության ոլորտներում համագործակցությանը վերաբերող մի շարք հարցերի շուրջ։ Նրանք նաև քննարկել են տարածաշրջանային անվտանգության ապահովմանը, տարածաշրջանում խաղաղությանն ու կայունությանը վերաբերող թեմաներ։